Categories Lajme

Vrasja e kenianes në Tiranë, lirohet shoferi i kazinosë që dëshmoi për raportet me 22-vjeçaren

Shoferi i kazinosë ku punonte 22-vjeçarja nga Kenia Joy Ayoko është lënë i lirë nga policia pasi, per disa ore, dha dëshminë e tij në lidhje me dyshimet e grupit hetimor se ky i fundit mund të ketë gisht në rrahjen brutale të të resë e cila pas disa muajsh në koma humbi jetën në një spital në Kenia.

32-vjeçari Rodi Barçi në deklaratën e tij përpara efektivëve të Komisariatit nr 1 i ka qëndruar fjalëve që ka thënë edhe më herët në lidhje me këtë ngjarje. Ai ka deklaruar se ka qenë i lidhur me Joy-n, por në momentin kur ka ndodhur ngjarja, kanë qenë të ndarë dhe nuk kishin më raporte me njëri tjetrin.

Shoqërimi i tij në ambientet policore është bërë me urdhër gjykate. Togat e zeza kanë lëshuar gjithashtu edhe një tjetër urdhër, duke marrë në pyetje për herë të dytë shoqen e viktimës, Emily Mutua.

Në deklaratën e saj, mikja e kenianes ka dhënë disa detaje të reja për policinë, që sipas burimeve priten që të hedhin dritë në misterin e çështjes së Joy-t. Për momentin këto detaje mbahen sekret nga hetimi, për faktin se nuk kanë prova të mjaftueshme për të ngritur akuza zyrtare dhe të nisin me arrestimet.

Më heret Prokuroria e Tiranës i ka dërguar letërporosi homologëve në Kenia ku i ka kërkuar autopsinë që i është bërë 22-vjeçares në morgun e spitalit ku ajo ndërroi jetë. Dyshohet se vajza, para se të rrihej brutalisht dhe më pas të hidhej nga ballkoni i banesës së saj të jetë përdhunuar.

Sipas dëshmisë së mamasë së viktimës, kjo e fundit ka thënë se e bija ndiqej sistematikisht nga shoferi i kompanisë ku punonin dhe ishte kthyer në një shqetësim për të bijën për shkak të sjelljes që ai kishte.

Ngjarja e rëndë ndodhi më 14 gusht të vitit të kaluar ku Joy Ayoko u dhunua brutalisht dhe u hodh nga lartësia. Ajo u gjet pas afro dy ditësh në gjëndje të rëndë dhe u dërgua në spitalin e Traumës. Më pas ajo u transferua në Kenia ku humbi jetën pasi qëndroi disa muaj në koma.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

SPAK sekuestron pasuritë e dy ortakëve të Evis Berberit (Emrat)

SPAK ka sekuestruar pasuritë e dy ortakëve të Evis Berberit, biznesmenëve Valter Begaj  dhe Ervis…

LEXO ME SHUME
Categories Lajme

EMRI/ Vdes në punë shqiptari në Itali, baba i katër fëmijëve

Një shqiptar vdiq i shtypur nga një ngarkesë që peshonte mbi një ton ndërsa po…

LEXO ME SHUME
Categories Lajme

Beleri dhe Goro në burg, pas tensioneve në Këshillin bashkiak të Himarës, zgjidhet kryetari i komanduar

Blerina Balaj është zgjedhur kryetare e komanduar e Bashkisë Himarë pas mbledhjes me tensione në…

LEXO ME SHUME
Categories Lajme

Ngjarja në Memaliaj, policia: 41-vjeçari qëlloi në ajër për të kanosur dy persona

Një person ka qëlluar në ajër në Memaliaj ditën e djeshme dhe si pasojë e të…

LEXO ME SHUME
Categories Lajme

Emërimi i kryetarit të përkohshëm deri në zgjedhjet e reja, mblidhet këshilli bashkiak i Himarës! Banorët përplasen me policinë

Sot në orën 10:30 nisi mbledhja e radhës në këshillin e Bashkisë së Himarës ku…

LEXO ME SHUME