Të tjera detaje dalin në dritë nga vrasja me armë zjarri në Shkodër ku viktimë ka mbetur 74-vjeçari Lulash Qepuri. I moshuari mësohet se është vrarë në lokalin e tij në rrethana ende të paqarta, ndërsa djali i tij ka telefonuar policinë duke i treguar se i kanë vrarë të atin.
Lulash Qepuri nuk është një emër i panjohur për Policinë e Shkodrës. Në vitin 2011, është arrestuar pasi gjatë një kontrolli në lokalin dhe banesën e tij u gjetën armë zjarri dhe fara kanabisi.
Sa i përket ngjarjes së kësaj mbrëmje, autoritetet kanë nisur hetimet për të zbardhur të tjera detaje. Sakaq, janë ngritur pika kontrolli për të bërë të mundur kapjen e autorit.