Lajme

Vullkani në La Palma më shumë se 30 ditë aktive, digjen mbi 2 mijë ndërtesa

Në 33 ditë, llava Cumbre Vieja në ishullin La Palma ka shkatërruar 2.185 ndërtesa, shumica shtëpi, aktualisht 76 shtëpi ndodhen në situatë të rrezikuar. Llava e cila derdhet nga dy anë e vullkanit i cili është aktiv që nga 19 shtatori, ka mbuluar në ishull një sipërfaqe prej 866 hektarësh. Po ashtu nën llavë ka mbetur disa rrugë prej 62,6 kilometrash në rajon.

Llava, e cila ka mbërritur edhe në vendbanimin La Laguna, dogji shkollën dhe pikën e karburantit që ndodhet në këtë zonë. Zyrtarët njoftuan se lënda djegëse në karburant është evakuuar më parë me qëllimin e masave paraprake. Mbi 1.200 persona që nga dje janë evakuuar nga vendbanimet e tyre të cilat janë të kërcënuara nga llava, temperatura e së cilës arrin deri në 1.150 gradë celsius.

Ndërkohë, theksohet se ka tejkaluar në mbi 8 mijë numri i personave që kanë braktisur shtëpitë e tyre. Teksa prej një muaji e gjysmë vazhdojnë tërmetet në La Palma, Instituti Kombëtar Gjeografik bëri të ditur se në 12 orët e fundit janë regjistruar gjithsej 38 tërmete, prej të cilëve më i madhi 4,3 ballë. Ekspertët nuk presin që vullkani të shuhet në një kohë të shkurtër. /BW

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: