Lajme

Zbardhet ekspertiza mjeko-ligjore për Lear Kurtin: Vdiq nga mbidoza e kokainës!

32-vjeçari Lear Kurti, i cili ndërroi jetë pasi u shoqërua në komisariatin e policisë, ka ndërruar jetë nga mbidoza e kokainës, që i shkaktoi infarkt.

Kështu thotë zyrtarisht akti i ekspertimit mjeko-ligjor, i zbardhur sot nga Prokuroria e Tiranës, pothuajse një muaj pas vdekjes së të riut.

Sipas aktit të ekspertimit, shkaku i vdekjes së Lear Kurtit, ka qenë helmimi (mbidozë) akut me lëndë narkotike të tipit kokainë, duke i shkaktuar infarkt në zemër.

‘Në përgjigje të aktit të ekspertimit mjeko-ligjor, përcaktohet diagnoza Anatomo-Patologjike: Mbidozim (Helimim) akut me lëndë narkotike e llojit kokainë. Ishemi akute Hypoksite e miokardit e shoqëruar me kontraktim dhe deformim të miofibrilive, edemë e shprehur e trurit, stazë vazale dhe ekstravazat kapilar, atelektazë dhe emfizemë kompesatore e mushkrisë, hepatit kronik persistent.

Shkaku i vdekjes se shtetasit Lear Kurti ka qenë helmimi (mbidozim) akut me lëndë narkotike të llojit kokainë, i komplikuar me shok toksik, me mekanizimin e ishemisë akute të miokardit që ka sjellë për pasojë asistolinë kardiake (Ndalim i menjëhershëm i zemrës).’- thuhet në aktin ekspetimit mjeko-ligjor.

Mbrëmjen e 19 tetorit në lagjen ‘Riza Cuka’ në Tiranë, policia i ka bërë thirrje 32-vjeçarit Lear Kurtit, për të ndaluar, por ky i fundit nuk është bindur dhe është larguar me vrap.

Efektivët kanë arritur që ta kapin, dhe më pas e kanë shoqëruar në komisariat. Por në ato moment 32-vjeçari nuk është ndjerë mirë dhe ka ndërruar jetë në komisariat.

Artikuj të ngjashëm

Leave a Reply

Your email address will not be published.

Back to top button
Close