Lajme

Zbardhet ngjarja e rëndë në zonën e ish-Bllokut, pòlicia arrèston dy persona

Është zbardhur plagosja e 32-vjeçarit Ilir Shkurti që ndodhi mbrëmjen e djeshme në zonën e ish-Bllokut në Tiranë. Policia ka arrestuar 2 persona, të identifikuar si Kridenc Meçollari dhe Renis Selimaj. Ata tentuan të largoheshin nga vendi i ngjarjes, por u kapën brenda orësh nga Policia. Sherri mes tyre dyshohet se ndodhi për motive të dobëta, ndërsa Shkurti ndodhet jashtë rrezikut për jetën.

Njoftimi i policisë:

Dokumentohet plagosja e ndodhur mbremjen e djeshme tek “Shallvaret”. Vihet në pranga edhe 35-vjeçari, i cili u largua ditën e djeshme gjatë kohës së kapjes në flagrancë së autorit të dyshuar të ngjarjes. 35-vjeçari i arrestuar për veprat penale “Moskallëzim i krimit” dhe “Përkrahja e autorit në krim”.

Në vijim të punës për dokumentimin e plotë të ngjarjes së ndodhur pasditen e ditës së djeshme, në bulevardin “Bajram Curri” tek “Shallvaret” ku mbeti i plagosur me armë zjarri shtetasi I. Sh dhe u vu në pranga menjëherë pas ngjarjes si autor i dyshuar shtetasi K. M, 38 vjeç, sherbimet e Policisë në Komisariatin Nr.2 kanë vijuar më kontrolle të imitësishme me qëllim identifikimin dhe kapjen e autorit të 2 të përfshirë në ngjarje. Në vijim të veprimeve është bërë ndalimi i shtetasit R. S, 35 vjeç, banues në Tiranë.

Nga veprimet hetimore ka rezultuar se shtetasi K. M, 38 vjeç(i arrestuar mbremjen e djeshme)dhe shtetasi R. S, 35 vjeç, janë autorë të dyshuar të plagosjes së 31-vjeçarit, I. Sh. Ngjarje e ndodhur si pasojë e një konflikti për motive të dobëta. Materialet proçeduriale i kaluan Prokurorisë Pranë Gjykatës së Shkallës së Parë Tiranë për veprime të metejshme.

Artikuj të ngjashëm

Leave a Reply

Your email address will not be published.

Back to top button
Close