Vullkani Kilauea në Havai ka dhuruar një spektakël por dhe ka alarmuar në shpërthimin e fundit. Mediat ndërkombëtare shkruajnë se nxehtësia avulloi të gjithë ujin e liqenit me të njëjtin emër dhe në zgavrën e tij merr lumin lavë. Kujtojmë se ky vullkan është një ndër më aktivët në botë, që prej 40 vitesh pothuajse.
Mësohet se ky vullkan prej një viti kishte rënë në gjumë, por u rizgjua javën që shkoi, duke shkaktuar panik. Shërbimi Gjeologjik Amerikan në njoftimin e tyre bëri me dije se krateri u mbush me lavë të kuqe të nxehtë dhe qielli humbi në një smog vullkanik.
Sipas tyre, llava nuk është një kërcënim i menjëhershëm për zonat e banuara, por banorët që jetojnë aty pranë janë paralajmëruar nga autoritetet për ekspozimin e mundshëm ndaj dioksidit të squfurit dhe gazrave të tjerë vullkanikë.