Lajme

Zhvati miliona euro përmes mashtrimit, Gjykata vendos për ekstradimin e të riut kinez

Shtetasi kinez Liangbin Chen, i cili akuzohet për mashtrimin me miliona euro, do të ekstradohet drejt Kinës.

Ka qenë Gjykata e Apelit të Tiranës që ka marrë këtë vendim, ndonëse ai refuzoi ekstradimin.

Apeli i Tiranës vendosi lënien ne fuqi te vendimit nr. 805, datë 13.10.2022 të Gjykatës së Rrethit Gjyqësor Tiranë, duke i hapur rrugë autoriteteve kineze që të marrin në ngarkim të riun.

Prokuroria e Apelit shkaktoi skandal kur kërkoi ndryshimin e masës së arrestit nga “arrest me burg”, në “arrest shtëpie”.

Kujtojmë se Liangbin Chen, me profesion programues kompjuterik, rezultonte në kërkim ndërkombëtar dhe akuzohej për “Mashtrim me pasoja të rënda”. Ai u arrestua në aeroportin e Rinasit rreth orës 14:00 të datës 11 korrik të këtij viti gjatë kontrolleve të pasagjerëve të linjës ajrore “Air Albania”, në fluturimin Londër-Tiranë.

Shtetasi kinez u arrestua për qëllime ekstradimi për arsye të masës së sigurimit “arrest në burg”, lëshuar nga autoritetet kineze pasi ai njihet si kreu i një grupi kriminal që ka realizuar grabitjen me mashtrim me vlerë rreth 145 milionë euro.

Ndaj tij fillimisht Gjykata e Tiranës la në fuqi masën e sigurisë “arrest me burg”, por Chen kërkoi zbutjen e saj dhe largimin nga qelia, për shkak se pretendonte që kishte sëmundje në kokë.

Çështja më pas shkoi në Apel dhe gjykata vendosi masën “Arrest shtëpie” për shtetasin kinez, me arsyetimin se i rrezikohej jeta në qelinë e burgut.

Por ditën e sotme, Apeli i Tiranës vendosi përfundimisht për ekstradimin e tij drejt Kinës, duke i dhënë fund kësaj çështjeje.

Artikuj të ngjashëm

Leave a Reply

Your email address will not be published.

Back to top button
Close