U zhvillua në zyrat e bashkisë Vlorë prezantimi i projektit “Rikonstruksioni i Rrugës Uji i Ftohtë-Orikum dhe ndërtimi i 2 ByPass-eve”. Ky projekt do të financohet nga BERZH (Banka Europiane për Rindërtim dhe Zhvillim). Pjese e ketij takimi ishin kryetari i Dhomes se Tregetise dhe Industrise Vlore, z. Arben Breshani, anetare te keshillit Bashkiak, përfaqësues të bisnesit, si edhe përfaqësues të studios projektuese dhe Fondit Shqiptar të Zhvillimit. Ky projekt fillon në dalje të Tunelit tek Uji i Ftohtë dhe përfundon tek Marina në Orikum, me një gjatësi prej 10.3 km. Projekti parashikon ndërhyrje rikonstruksioni në rrugën ekzistuese nacionale si edhe ndërtimin e dy ByPass-eve përpara dhe pas fshatit Radhimë.