fbpx
Lajme

Zuckerberg merr vendimin e papritur për ‘Facebook-un’ dhe ‘Instagramin’ e Trumpit

Pas protestave që u zhvilluan ditën e djeshme në Amerikë, “Facebook” ka vendosur të bllokojë llogaritë e presidentit Donald Trump  gjithashtu edhe në Instagram edhe për dy javët e ardhshme deri në një periudhë të pacaktuar. Themeluesi i Facebook Mark Zuckerberg  reagoi përmes një postimit, ku shkruan se pas asaj që ndodhi të mërkurën në protestën e dhunshme në ndërtesën e Kapitolit, do të ishte me rrezik të madh t’i lejohej Trump përdorimi i këtyre platformave.

Sipas tij, Trump mund t’i përdorë ato për të nxitur kryengritje të dhunshme ndaj një qeverie të zgjedhur në mënyrë demokratike. Zuckerberg theksoi se do të zgjatin bllokun e vendosur në llogaritë e Trump në Facebook dhe Instagram derisa të përfundojë tranzicioni paqësor i pushtetit. Mesazhi i plotë i Mark Zuckerberg: Ngjarjet tronditëse të 24 orëve të fundit demonstrojnë qartë se Presidenti Donald Trump ka për qëllim të përdorë kohën e tij të mbetur në detyrë për të minuar tranzicionin paqësor dhe të ligjshëm të pushtetit te pasardhësi i tij i zgjedhur, Joe Biden.

Vendimi i tij për të përdorur platformën e tij për të falur dhe jo për të dënuar veprimet e mbështetësve të tij në ndërtesën e Kapitolit ka shqetësuar me të drejtë njerëzit në SHBA dhe në të gjithë botën. Ne i hoqëm këto deklarata dje sepse gjykuam se efekti i tyre – dhe me gjasë qëllimi i tyre – do të ishte të provokonin dhunë të mëtejshme. Pas certifikimit të rezultateve të zgjedhjeve nga Kongresi, përparësia për të gjithë vendin duhet të jetë tani të sigurojë që 13 ditët e mbetura dhe ditët pas përurimit të kalojnë në mënyrë paqësore dhe në përputhje me normat e vendosura demokratike. Gjatë disa viteve të fundit, ne e kemi lejuar Presidentin Trump të përdorë platformën tonë në përputhje me rregullat tona, herë pas here duke hequr përmbajtje ose duke etiketuar postimet e tij kur ato shkelin politikat tona. Ne e bëmë këtë sepse besojmë se publiku ka të drejtë për qasje sa më të gjerë në fjalimin politik, madje edhe në fjalimin e diskutueshëm.

Por konteksti aktual është tani thelbësisht i ndryshëm, duke përfshirë përdorimin e platformës sonë për të nxitur kryengritje të dhunshme kundër një qeverie të zgjedhur në mënyrë demokratike. Ne besojmë se rreziqet e lejimit të Presidentit të vazhdojë të përdorë shërbimin tonë gjatë kësaj periudhe janë thjesht shumë të mëdha. Prandaj, ne po zgjatim bllokun që kemi vendosur në llogaritë e tij në Facebook dhe Instagram për një kohë të pacaktuar dhe për të paktën dy javët e ardhshme derisa të përfundojë tranzicioni paqësor i pushtetit.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button