Categories Lifestyle

Çfarë është uji detox? Ja 3 recetat më të pëlqyera!

Me afrimin e sezonit të nxehtë të vitit, uji bëhet gjithmonë e më tepër jetik në aktivitetet tona ditore, por edhe pse jemi në dijeni të të mirave që ai sjell, shpesh kemi probleme me dehidratimin.

Të pish sa më shumë ujë gjatë ditës do të thotë të ndjekësh dietën më të mirë për të qenë gjithmonë në formë, energjik e me lëkurë të hidratuar. Me afrimin e sezonit të nxehtë të vitit, uji bëhet gjithmonë e më tepër jetik në aktivitetet tona ditore, por edhe pse jemi në dijeni të të mirave që ai sjell, shpesh kemi probleme me dehidratimin.

Për të “trukuar” trurin në mënyrë që të konsumojmë sa më shumë ujë, na duhet pak më shumë se sa vullnet. Fundja ky lëng pa ngjyrë, pa aromë dhe pa shije, përtej nevojës minimale, nuk të motivon më shumë për ta konsumuar. Por fatmirësisht ka disa mënyra mjaft të thjeshta dhe efikase që jo vetëm do të të bëjnë të konsumosh më shumë ujë, por edhe do ti shtojnë më shumë shije dhe vlera ushqyese këtij lëngu.

Uji detox ka filluar të bëhet mjaft popullor gjatë pranverës dhe verës së viteve të fundit, sepse është mjaft i lehtë për tu përgatitur dhe ka pafund receta për të. Me anë të detoksifikimit ky ujë largon të gjitha papastërtitë dhe toksinat në organizëm. Të ndihmon të biesh në peshë dhe e pasuron trupin plot me vitamina të rëndësishme.

Kur të nisësh ta përdorësh do të vësh re shtim të energjive trupore dhe përmirësim të humorit; i gjithë trupi dhe mendja do të mbushen me pozitivitet!

Këto janë 3 recetat më efektive të ujit detox për ty:

Më i përdoruri: Uji me kastravec, limon e mente.

Konsumimi i ujit me kastravec dhe limon në mëngjes me stomakun bosh do të këtë një ndikim të mrekullueshëm në organizëm. Limoni ndihmon në tretje, për të hequr toksinat e dëmshme në trup dhe për të pastruar e shkëlqyer lëkurën.

Përbërësit: – Ujë 1.40 lt -1/2 kastravec – 1 limon – Disa gjethe mente

Përgatitja:

Lajmë kastravecin dhe limonin duke e prerë në feta dhe pastrojmë me ujë të bollshëm gjethet e mentes. I vendosim të gjithë përbërësit në një kanë të gjerë dhe e mbushim atë me ujë. Është e rëndësishme që uji të përzihet disa herë dhe të lihet së paku një natë në frigorifer përpara konsumit.

2. Ujë detox me luleshtrydhe

Luleshtrydhet kanë antioksidantë, vitaminë C dhe shumë ushqyes të tjerë të dobishëm për trupin. Ky frut kaq i pëlqyer i bën mirë shëndetit kardiovaskular , mbron sistemin imunitar , rregullon sheqerin në gjak dhe ndihmon sistemin e tretjes.

Përbërësit: – Ujë 1.40 lt -10 kokrra luleshtrydhe – 2 feta limon – borzilok – 1/2 gotë me lëng limoni

Përgatitja: Pasi ti kemi pastruar të gjithë përbërësit me ujë të bollshëm i vendosim tek kana me ujë, i përziejmë bashkë dhe i lëmë në frigorifer rreth 5-orë. Uji preferohet të konsumohet në temperaturë më të ulët se ai i ambientit.

  1. Ujë detox me xhinxher dhe mente

Xhinxheri, kjo rrënjë kaq e çmuar me aromë, pastron thellësisht organizmin, ndihmon dhe stimulon aparatin tretës dhe ul nivelin e kolesterolit në gjak.

Përbërësit: – Ujë 1.40 lt -1 kastravec me feta -3 feta limon -10 gjethe mente -xhinxher

Përgatitja: Këshillohet që xhinxheri të pritet në feta sa më të holla në mënyrë që të lëshojë më mirë esencën e tij.  I përziejmë të gjithë përbërësit në një enë dhe e vendosim ujin në frigorifer për 5-orë. Uji preferohet të konsumohet në temperaturë më të ulët se ai i ambientit.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme Lifestyle

Mirëqenia, sa shpenzojnë shqiptarët në vit? Rreth 460 dollarë për frymë

Instituti i Mirëqenies Globale (Global Wellness Institute), i cili njihet si burimi kryesor për kërkime…

LEXO ME SHUME
Categories Lifestyle

Harrojeni çajin me mjaltë, ka një tjetër zgjidhje për dhimbjen e fytit

Keni dhimbje fyti? Në vend që të merrni ibrikun dhe të përgatisni një çaj me…

LEXO ME SHUME
Categories Lifestyle

Obeziteti në rritje edhe te fëmijët në Shqipëri

Pak ditë më parë, një studim i Lancet dhe OBSH tregoi se më shumë se…

LEXO ME SHUME
Categories Lifestyle

Ja pse duhet t’i lani rrobat e reja para se t’i vishni

Kur blini rroba të reja, sigurohuni që fillimisht t’i lani ato mirë, sepse kimikatet e…

LEXO ME SHUME
Categories Lifestyle

A e dini arsyen pse teshtini shumë herë radhazi?

Teshtimat janë metoda e trupit për nxjerrjen e irrituesve si pluhuri, poleni ose mikrobet nga…

LEXO ME SHUME