Të gjithë sugjerojnë që të konsumojmë sa më shumë avokado. Ky frut i shëndetshëm është i pasur me lëndë ushqyese dhe sjell shumë përfitime. Sipas mjekëve, avokado përmban kalium.

“Avokadot përmbajnë më shumë kalium sesa bananet, gjë që ndihmon në lehtësimin e ngërçeve të muskujve”, shpjegojnë ekspertët.

Një avokado mesatarisht i madh përmban rreth 12 miligramë vitaminë C e cila shoqërohet gjithashtu me lehtësimin e dhimbjeve të muskujve. Gjithashtu vlen të përmendet një studim i vitit të kaluar që tregoi se avokadot ndikojnë në stabilizimin më të shpejtë të presionit të gjakut pas stërvitjes.

Për shkak se është plot kalori dhe yndyrë, avokadot nuk duhet të jenë vetëm në menunë e njerëzve që përpiqen të humbin peshë, të paktën jo çdo ditë.