Categories Lifestyle

Përse duhet të konsumoni më shumë domate portokalli

Kur vjen puna tek antioksidantët, domatet janë ndër ushqimet më të pasura dhe më me vlerë për mirëqenien e njeriut. Përveç antioksidantëve, domatet janë shumë të pasura me vitamina dhe minerale, ndaj duhet të jenë pjesë e regjimit tuaj ushqimor.

Në Shqipëri gjenden nëpër supermarketet e mëdha ose dyqanet me produkte organike.

Domatet i gjejmë në ngjyrë të kuqe, jeshile, të verdhë dhe portokalli.

Antioksidantët te domatet portokalli përthithen më shumë nga organizmi

Ekspertët ushqimorë në Universitetin e Ohajos kanë arritur të rrisin një varietet të veçantë domatesh me ngjyrë portokalli, shumë më të pasura me antioksidantë se domatet e kuqe të fushave.

Këto domate me ngjyrë portokalli përmbajnë një varietet antioksidantësh që përthithet më shpejt nga trupi se të tjerat që gjenden tek domatet e kuqe.

Likopeni tek domatet, është një nga antioksidantët më të vyer për shëndetin.

Ai ul rrezikun e shfaqjes së kancerit, sëmundjeve të zemrës dhe problemeve me shikimin.

Për të shqyrtuar më tej vlerat e domateve me ngjyrë portokalli për shëndetin, ekspertët kryen edhe një eksperiment tjetër ku u përfshinë 12 vullnetarë.

Përpara nisjes së eksperimentit, vullnetarët nuk konsumuan domate për 13 ditë.

Në disa vakte të ndryshme, ata konsumuan makarona me salcë domatesh. Në një rast, salca ishte përgatitur me domate të kuqe e në raste të tjera me domoate me ngjyrë portokalli.

Analizat e gjakut treguan se përthithja e likopenit nga salca me domate në ngjyrë portokalli ishte 2.5 herë më e lartë se ajo e salcës me domate të kuqe.

Nivelet e likopenit në gjak rriteshin më shumë pesë orë pas vaktit dhe në shumë raste 200 herë më të larta se treguesit e antioksidantëve të domates së kuqe.

Ekspertët thanë se domatja e kuqe mund të ketë më shumë likopen se domatja me ngjyrë portokalli.

Megjithatë, likopeni tek domatja e kuqe është në formë jo të përshtatshme për të garantuar një përthithje cilësore nga organizmi./AgroWeb.org

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lifestyle

Si të jetoni më gjatë, ja çfarë është regjimi ushqimor nordik

Regjimi ushqimor Nordik është një mënyrë e të ushqyerit që fokusohet në produktet lokale të…

LEXO ME SHUME
Categories Lajme Lifestyle

Mirëqenia, sa shpenzojnë shqiptarët në vit? Rreth 460 dollarë për frymë

Instituti i Mirëqenies Globale (Global Wellness Institute), i cili njihet si burimi kryesor për kërkime…

LEXO ME SHUME
Categories Lifestyle

Harrojeni çajin me mjaltë, ka një tjetër zgjidhje për dhimbjen e fytit

Keni dhimbje fyti? Në vend që të merrni ibrikun dhe të përgatisni një çaj me…

LEXO ME SHUME
Categories Lifestyle

Obeziteti në rritje edhe te fëmijët në Shqipëri

Pak ditë më parë, një studim i Lancet dhe OBSH tregoi se më shumë se…

LEXO ME SHUME
Categories Lifestyle

Ja pse duhet t’i lani rrobat e reja para se t’i vishni

Kur blini rroba të reja, sigurohuni që fillimisht t’i lani ato mirë, sepse kimikatet e…

LEXO ME SHUME