Ilaçet e para që do të ndalojnë qelizat kancerogjene që bëhen rezistente ndaj kurave, do të jenë gati brenda dhjetëvjeçarit të ardhshëm, kanë njoftuar shkencëtarët. BBC shkruan sot se një investim prek 75 milionë paundësh që zhvillon këto barna ishte shpallur nga Instituti për Kërkime kundër Kancerit (ICR).

Shefi ekzekutiv, prof. Paul Workman, tha se aftësia e kancerit për t’iu përshtatur barnave, është sfida më e madhe me të cilën ata po ballafaqohen.

Ndaj, barnat e reja do të mund ta bëjnë kancerin një sëmundje “nën kontroll” në terma afatgjatë dhe “më të kurueshme”, tha ai.

Studiuesit thonë se trajtimet ekzistuese siç janë kimioterapia nganjëhërë dështojnë, sepse qelizat më të rrezikshme të kancerit përshtaten dhe mbijetyojnë, duke bërë që sëmundja të përsëritet.

Profesor Workman tha: “Aftësia e kancerit për tu përshtatur, zhvilluar dhe bërë rezistencë ndaj drogës ishte shkaku i shumicës së vdekjeve nga sëmundja dhe sfida më e madhe me të cilën përballemi në tejkalimin e saj”.

Ai tha se instituti po “ndryshonte të gjithë mënyrën se si ne mendojmë për kancerin” e të përqendrohemi në parashikimin e mënyrës se si qelizat e kancerit do të evoluojnë për t’i parandaluar ato që të bëhen rezistente ndaj barnave.

Instituti për Kërkimin e Kancerit ka për qëllim të tërheqë një fond prej 19 milionë $ për Qendrën e re për zbulimin e ilaçeve në kampusin e saj në Sutton, në jug të Londrës, i cili synon të mbledhë pothuajse 300 shkencëtarë nga fusha të ndryshme.

Shkencëtarët synojnë të përdorin metoda të reja duke përfshirë trajtimet e kombinimit të shumë llojeve dhe inteligjencën artificiale për të parashikuar dhe ndikuar në evoluimin e qelizave të kancerit, duke gjetur dobësi që kurat mund t’i shfrytëzojnë.

Me këtë medikament pacientët mund të jetojnë më gjatë

Dr. Andrea Sottoriva, zëvendësdrejtore e qendres së evolucionit,  tha: “Inteligjenca artificiale dhe metodat parashikuese matematikore kanë potencial të madh për t’u futur në kokën e kancerit dhe parashikojnë se çfarë do të ndodhë më pas dhe se si do të reagojë ndaj trajtimeve të reja”.

Hulumtuesit po punojnë tashmë për barna të reja të dizajnuara për të ndaluar një lloj molekule të proteinave të quajtur ‘Apobec’, e cila është pjesë e sistemit imunitar të rrëmbyer nga më shumë se gjysma e llojeve të kancerit për të shpejtuar evolucionin e rezistencës ndaj drogës.

Prof Workman tha se testet laboratorike dhe studimet klinike për medikamentet e reja do të duheshin rreth 10 vjet para se të mund të viheshin në dispozicion për pacientët.

Ai shtoi: “Ne besojmë fuqimisht se, me kërkime të mëtejshme, mund të gjejmë mënyra për ta bërë kancerin një sëmundje të menaxhueshme në afat të gjatë dhe më lehtësisht të shërueshme, kështu që pacientët mund të jetojnë më gjatë dhe me një cilësi më të mirë të jetës”.