Tiroidja dembele, e cila funksionon me vështirësi, është një nga problemet shëndetësore që prek shumë persona. Por për stimulimin e funksionimit të saj ju vijnë në ndihmë një sërë ushqimesh të pasura me jod, duke nisur nga pula tek kosi. Këshillohet që çdo ditë të merret 150 mikrogramë jod, sasi e cila përkon me 120 gramë pulë dhe rreth 220 mililtër kos. Ky integrim i mineraleve në dietë i kundërvihet simptomave të tjera që lidhen me mosfunksionimin e gjëndrës. Në fakt, jodi është një përbërës thelbësor i dy hormoneve të sekretuara nga gjëndra: triodotironina dhe tiroksina.
Vezët gjithashtu stimulojnë funksionimin e gjëndrës endokrine në pjesën e përparme të qafës. Këshillohet që të hani 2 vezë në ditë për të aktivizuar tiroiden. Kjo për shkak se verdha e vezës është e pasur me lëndë ushqyese që ndihmojnë në thithjen e tirozinës. Një aminoacid thelbësor i shndërruar më pas në hormonet energjizuese, shkruan noa.al. Rekomandohet gjithashtu që të konsumoni rreth 80 gramë djathë në ditë për t’i bërë hormonet tiroide më funksionale.