Një aksident automobilistik ka ndodhur në Përmet, ku për pasojë është plagosur drejtuesi i mjetit.
Ngjarja ka ndodhur në aksin nacional Përmet- Çarçovë, pranë fshatit Badlonjë ku mjeti tip Mercedez-Benz me drejtues Apostol Tase, 76 vjeç, ka dalë nga rruga dhe është rrotulluar në ajër duke përfunduar anës rrugës.
Në vendngjarje kanë shkuar forcat e policisë rrugore të cilat po hetojnë për zbulimin e rrethanave të aksidentit.Ndërkaq, drejtuesi i mjetit ndodhet në spital pasi ka marrë plagë në trup.
