Categories Politike

4 përgjigje nga Manjani për ngërçin KED-President-Parlament

Ish-ministri i Drejtësisë, Ylli Manjani, përmes një postimi në facebook, i ka dhënë përgjigje të zgjeruar pyetjes sesi regullohet marrëdhënia KED-President-Parlament. ”Debati President-KED-Parlament nuk bëhet për thelbin e problemit, pra për cilësinë e kandidatëve. Madje as për shpikjen juridike të KED, sipas të cilës 1 kandidat konkurron për të gjitha vendet vakante dhe jo për një vend të vetëm. Nuk debatojnë as për etikë zyrtare, mungesa e të cilës i bën qesharakë, sepse edhe Parlamenti edhe Presidenti do emërojnë gjyqtarët nga e njëjta bashkësi/thes emrash dhe jo të individualizuara për secilin vend vakant”.

Postimi i plotë

Më bëhet rregullisht nga gazetarë e jo vetëm pyetja “Si trajtohet ligjërisht marrëdhënia e sforcuar KED-President-Parlament, për plotësimin e vendeve bosh në Gjykatën Kushtetuese”?

Përgjigja ime është kjo:

1. Në pastë sot jurist, vendas apo të huaj, që jep një përgjigje ligjore shterruese se si plotësohen vendet vakante në Gjykatën Kushtetuese, kur Kushtetuta vetë ka 3 vite që është anashkaluar, i heq kapelen. Jemi në një situatë permanente anti kushtetutë e anti ligj, sa vështirë që gjesh vendime plotësisht të ligjshme nga atë që kanë të drejtë ti marrin.

2. Gjykata Kushtetuese, pavarësisht ç’bëjnë e ç’thonë KED, Presidenti e Parlamenti, nuk bëhet dot e plotë pa u ngritur më parë Gjykata e Lartë. Kjo e fundit ka detyrimin të përzgjedhje 3 prej 9 anëtarëve të Gjykatës Kushtetuese. Pra edhe nëse Presidenti e Kuvendi zgjedhin në total 6 anëtarë (nga tre secili) përsëri jemi pa Gjykatë Kushtetuese sipas kushtetutës dhe ligjit. Një gjykatë me 6 anëtarë mund të bllokohet nëse vendimarrja e saj ndahet 3 me 3….

3. Debati President-KED-Parlament nuk bëhet për thelbin e problemit, pra për cilësinë e kandidatëve. Madje as për shpikjen juridike të KED, sipas të cilës 1 kandidat konkurron për të gjitha vendet vakante dhe jo për një vend të vetëm. Nuk debatojnë as për etikë zyrtare, mungesa e të cilës i bën qesharakë, sepse edhe Parlamenti edhe Presidenti do emërojnë gjyqtarët nga e njëjta bashkësi/thes emrash dhe jo të individualizuara për secilin vend vakant. Jo! Ato debatojnë mbi radhën se kush e fut dorën i pari e kush i dyti te thesi i emrave që ka mbushur KED. Me shumë gjasë kjo radhë do rivendoset shumë shpejt dhe nga ato 6 emra të thesit do emërohen 4. Tani radhën e ka Parlamenti, në vijim do ta rimarrë Presidenti. Atë që nuk zgjedh njëri e zgjedh tjetri…

4. Askush nuk po merr përsipër të ndajë njëherë e mirë konceptin se Vetting është për personat e jo për Institucionet e drejtësisë. Pra e thënë më thjeshtë Vettingu nuk mund të mbyllë dyert e gjykatave, por të gjyqtarëve që s’mund të shërbejnë më si të tillë. Kjo ka qenë në fakt ndarja e madhe që kemi patur që në fillim me ata që e konceptuan dhe e prodhuan këtë katrahurë. Vendosja e këti parimi, në fakt do të rikthente sadopak normalitetin. Por për këtë gjë snuk. askush!! Ndaj është e kotë, që në këtë debat të harxhojmë kohë se kush ka të drejtë e kush jo.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Politike

Berisha: Beleri në burg për interesat mafioze të Olsi Ramës dhe Edi Ramës në brigjet e Himarës

Kreu i PD, Sali Berisha deklaroi sot se vendimi për të mbajtur në burg Belerin…

LEXO ME SHUME
Categories Politike

Kërkesa e Zelenskyt për prodhim municionesh për Ukrainën, Rama: Të gjithë thanë po, jo vetëm Shqipëria

Kryeministri i Shqipërisë Edi Rama, ka deklaruar se vendet e Ballkanit Perëndimor i kanë thënë…

LEXO ME SHUME
Categories Politike

Pse ishte Alex Soros në samit? Rama nuk ia kursen gazetares: Harroi të të pyeste ty

Është zhvilluar ditën e stome në Tiranë Samiti BE- Ballkani Perëndimor. Teksa është ezauruar e…

LEXO ME SHUME
Categories Politike

Shtyhet seanca për Belerin, avokati: Proces i montuar për të mbajtur Himarën

Shtyhet për në 5 mars seanca për Alfred Belerin, kryebashkiakun e pabetuar të Himarës. Në…

LEXO ME SHUME
Categories Lajme Politike

Rama: Nuk duhet ta lëmë Rusinë të fitojë dhe Ukrainën të humbasë luftën!

Kryeministri Edi Rama ka deklaruar në fjalën hapëse të samitit për Ukrainën në Tiranë se…

LEXO ME SHUME