Dje mazhoranca votoi pa asnjë tagër ligjor dhe kushtetues dy zonja, të cilat janë të nderuara si femra, por jo kushtetuese si votim, pasi u shpjegua qartë se mbetet loja e kryeministrit Rama për të emëruar njerëzit e tij në Gjykatën Kushtetuese. Por duket se Presidenti Meta nuk do ti dekretojë pasi janë votuar në shkelje të hapur të Kushtetutës.

Sipas nenit 129 të Kushtetutës, “gjyqtari i gjykatës kushtetuese fillon detyrën pasi bën betimin para Presidentit të Republikës”. Nëse Meta nuk i dekreton se janë zgjedhur në mënyrë antikushtetuese çfarë ndodh me ato të dyja që votoi parlamenti?

Nuk fillojnë punë, thotë Kushtetuta, ndërsa Kryeministri do ti çojë me forcë, duke përdorur betimin e tyre para parlamentit siç bëri me Arta Markun, kryeprokuroren e përgjithshme të përkohshme. Por kushtetuta nuk e shkruan se gjyqtarët betohen para parlamentit, por te Presidenti.