Politike

Ambasadori i Shqipërisë në OKB: Jemi në mes një tragjedie humanitare

Ambasadori i Shqipërisë në OKB, Ferit Hoxha, theksoi se jemi në mes të një tragjedie humanitare në Ukrainë.

Prej ditësh tashmë po vriten njerëz të pafajshëm nga sulmet ruse, edhe pse presidenti Vladimir Putin thekson se është një operacion ushtarak për të çmilitarizuar Ukrainën.

Ai i bëri thirrje Rusisë që të ndalë sulmin ndaj ukrainasve dhe të parandalojë vdekjen e të tjerë qytetarëve. Hoxha theksoi se OKB nuk u krijua që të çojë njerëzit në parajsë por të shpëtojë njerëzimin nga ferri, në këtë rast nga sulmet mbi qytetarët dhe shtetet.

“10 ditë nga ku operacion i ashtuquajturi i Rusisë por që në fakt është pushtim jemi në mes të një tragjedie të madhe humanitare, ku po humbasim jete njerëzish. 1.5 mln kanë ikur tashmë, ky është sulmi Rusisë. Bota u vu në alarm, sërish dje pas shpërthimit në termocentralit , që fatmirësisht u shua shpejt por rrezik mbetet fakti që është në duart e rusëve. Duhet thënë se sulmi ndaj objekteve të tilla mund të sjellë pasoja katastrofike, për njerëzit. Ju kujtojmë Çernobilin.

Nga ajo që dëgjuam , duhet menjëherë verifikuar situata se pse mbetet ende e rrezikshme, ne sugjerojmë që të punohet për këtë çështje që të sigurohet siguria e objektit dhe te sigurojë të punojë impianti. I bëjmë thirrje Rusisë të ndalë sulmin ndaj ukrainasve, të sulmosh civilët është krim dhe duhet të jetë përgjegjëse për këtë, duhet te mblidhen provat dhe t’i çohen gjykatës, mbështesim investigimet. Ky këshill duhet te bëjë ç’të mundet të shpëtojë Ukrainën dhe njerëzit e saj nga ferri në të cilën po e çon Rusia me veprimet e saj. OKB nuk u krijua që t’i çojë njerëzit në parajsë por ta shpëtojë njerëzimin nga ferri”, tha Hoxha.

Tensioni në Ukrainë është rritur, ndërsa jemi në ditën e nëntë të sulmit rus në Ukrainë.

Dy raundet e bisedimeve mes dy shteteve ishin pa rezultat konkret, ndërsa mbrëmjen djeshme duket se u kris barriera e trashë e akullit pas shtrëngimit të duarve të delegacioneve. Nuk dihet ende se cili do të jetë fati i Ukrainës, ndërsa në fundjavë pritet të mbahet raundi i tretë i bisedimeve.

Artikuj të ngjashëm

Leave a Reply

Your email address will not be published. Required fields are marked *

Back to top button
Close