Ish-kryeministri Sali Berisha i është përgjigjur deklaratës së kryedemokratit Basha, pasi ky i fundit në një deklaratë për mediat njoftoi vendimin e Kryesisë për mbledhjen e Këshillit Kombëtar ditën e nesërme.
Në një postim që ka bërë në rrjetet sociale Berisha shkruan se Komisioni i Rithemelimit i mandatuar nga Kuvendi konsideron nul dhe qesharake cdo deshire të Bashës për të thirrur Këshillin. Ndër të tjera ai thotë se koha kur partia shërbente si hipotekë për borxhet e kryetarit ka marrë fund.
Postimi i plotë:
Koha kur deputeti Basha mund te bente pazar me fatet e Partise Demokratike ka marre fund. Ditet kur Partia sherbente si hipoteke per borxhet e kryetarit kane perfunduar! Ne nje dite historike, 4446 delegate te Kuvendit Kombetar te Partise Demokratike vendosen sot, te rimarrin ne dore fatet e Partise Demokratike duke shkarkuar Lulzim Bashen ne nje spektakel te vertete demokracie te ngjashem me standartet amerikane. Kuvendi i sotshem riafirmon vlerat euro atlantike te PD duke rikthyer ne piedestal voten e lire ne te parin kuvend ne historine e Shqiperise te thirrur nga anetaresia.
Komisioni i Rithemelimit i mandatuar nga kuvendi konsideron nul dhe qesharake cdo deshire te deputetit Basha per te thirrur Keshillin Kombetar, per te shkakuar drejtuesin e ketij Keshilli apo per te marre masa displinore ndaj perfaqesuesve te mijera demokrateve qe me vote te lire dhe legjitime vendosen sot shkarkimin e tij!
Komisioni u ben thirrje te gjithe anetareve te Keshillit Kombetar si dhe ish anetareve te kryesise te repektojne vullnetin e Kuvendit Kombetar si organi me i larte drejtues i Partise Demokratike. Komisioni fton te gjithe drejtuesit e PD te lexojne dhe respektojne vullnetin e shumices qe shkarkoi kryetarin dhe jo te deputetit Basha qe kerkon te shkarkoje shumicen! Sot eshte dita per t’u bashkuar dhe jo per te percare e “perjashtuar” partine per karriken e thyer te ish kryetarit!