Italia është e gatshme të rimodelojë praninë e saj në Libi, si pjesë e një misioni europian nën kujdesin e Kombeve të Bashkuara. Ajo gjithashtu synon të luajë një rol kryesor në konferencën e Berlinit, pasi fakti që nuk ishte bërë në Moskë, e cila tregoi se asnjë vend nuk mund të “zgjidhë problemet i vetëm’’, deklaroi kryeministri italian Giuseppe Conte.
”Disa ditë pas samitit të planifikuar në kryeqytetin gjerman, diplomacia italiane po punon pa u lodhur dhe synon të rimarrë atë rol që duket se i kishte ‘’shkarë nga dora’’, shtoi ai.
”Ngjarjet e fundit në Libi, kërkojnë që ne të reflektojmë në një rimodelim të mundshëm të përpjekjes sonë ushtarake. Një ndërhyrje ndërkombëtare mund të parashikohet të japë solidaritet në kornizën e sigurisë, në përputhje me një kërkesë të mundshme për mbështetje të përparuar të komunitetit ndërkombëtar’’, theksoi ministri i Mbrojtjes Lorenzo Guerini.
“Italia është përqendruar që kriza të orientohet drejt një zgjidhjeje politike, ne ndajmë një angazhim të fortë të përbashkët për të promovuar një zgjidhje të qëndrueshme politike nën kujdesin e Kombeve të Bashkuara”, përfundoi kryeministri Conte.