Politike

“Ka shtete që s’kanë bërë gjilpërën e parë”, Rama: Pranvera sezon vaksinimi

Kryeministri Edi Rama, këtë të premte ndodhet në qytein e Beratit, ku po zhvillon një bashkëbisedim me qytetarët. Gjatë fjalës së tij kreu i qeverisë foli për çështjen e vaksinimit dhe vështirësive për të hasura për furnizimin me dozat e nevojshme. Po ashtu Rama theksoi se 70% e prodhimit të vaksinave është në duart e 10 shteteve, ndërkohë që sipas tij, vendi ynë ia ka dalë të nisë vaksinimin ndërkohë që shumë shtete nuk kanë bërë gjilpërën e parë.

“Çështja e vaksinës është kthyer në një çështje botërore. Të gjitha shtetet kanë nevojë për vaksina. 70% e prodhimit të vaksinave është në duart e 10 shteteve. Dhe ku Shqipëria, si një vend i vogël, si një vend në një rajon në mes të Europës, por që nuk u përfshi në skemën europiane të shpërndarjes së vaksinave, ka një sfidë të madhe.

Falë këmbënguljes ne ja kemi dalë të nisim vaksinimin ndërkohë që shumë shtete nuk kanë bërë gjilpërën e parë. Brenda gjysmës së parë të muajit mars do mbyllim vaksinimin e mjekëve dhe infermierëve. Jam besimplotë se së shpejti do kemi lajme të mira për sigurimin e sasive të nevojshme për të mos ulur ritmin, por për ta intensifikuar atë dhe për ta kthyer të gjithë këtë sezon pranveror në një sezon vaksinimi masiv”, tha kryeministri.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: