Politike

Meta i dorëzon presidentit të Komisionit të Venecias raportin e ‘mbrojtjes’: Bashkëpunim të plotë për çdo paqartësi

Presidenti i Republikës Ilir Meta zhvilloi sot një takim me Presidentin e Komisionit të Venecias, Gianni Buquicchio. Presidenti Meta i dorëzoi Presidentit Buquicchio raportin 55-faqësh që do të përdorë para Komisionit të Venecias për të argumentuar vendimin e tij për të anuluar dekretin për zgjedhjet e 30 qershorit.

Meta i shprehu Buquicchio-s vullnetin për bashkëpunim të plotë për çdo çështje apo paqartësi që lidhet me të. Kreu i Shtetit vlerësoi kontributin historik të Komisionit të Venecias për forcimin e institucioneve, të shtetit të së drejtës dhe demokracisë në Shqipëri.

Në raportin, e bërë publik edhe në faqen zyrtare të presidencës, Meta sjell në vëmendje të gjitha zhvillimet politike që sipas tij kishin sjellë tension mes palëve, duke nisur arsyetimin e tij me një akuzë që opozita ka bërë vazhdimisht ndaj mazhorancës, për bllokim të rolit të saj në Kuvend.

Po sot presidenti Ilir Meta dorëzoi nè Kuvend dokumentin me informacionin që dispononte për çështjen e djegies së parlamentit në protestën e 8 qershorit, informacion i cili sipas tij u bë shkak që të anulonte dekretin për zgjedhjet e 8 qershorit.  Ky raport nuk i është paraqitur ende anëtarëve të Komisionit Hetimor të ngritur për kreun e shtetit pasi disa prej tyre nuk kanë paraqitur certifikatë sigurie, i cili është i detyrushëm për t’u vënë në dijeni të një informacioni të klasifikuar.

Artikuj të ngjashëm

Leave a Reply

Your email address will not be published.

Back to top button
Close