Politike

Përplasja e Lleshajt në Lezhë, reagon PD: Sjellja e ministrit e papërgjegjshme dhe kriminale. Prokuroria ta hetojë

Partia Demokratike ka reaguar pas debatit të ashpër në Lezhë mes ministrit të Brendshëm Sandër Lleshaj dhe drejtorit të urbanistikës në Bashkinë Lezhë për sigurinë e një pallati 12 katësh.

Sekretari i Përgjithshëm i PD, Gazment Bardhi e cilëson sjelljen e ministrit Lleshaj të papërgjegjshme dhe kriminale. Sipas tij, Ministri e urdhëron drejtorin e urbanistikës të fshehë të vërtetën se banesat janë të rrezikshme për qytetarët.

Ai i kërkon prokurorisë të nisë hetimet për ministrin e Brendshëm për intimidimin e ekspertëve dhe tentativën e tij për t’u fshehur banorëve të vërtetën.

DEKLARATA E BARDHIT
Sjellja e Ministrit të Brendshëm është jo vetëm e papërgjegjshme, por edhe kriminale! Ajo është dëshmi e gjallë se qeverisemi nga njerëz të pashpirt, që duan të fshehin të vërtetën, duke rrezikuar jetën e qytetarëve!

Drejtori i Urbanistikës së Lezhës me profesion inxhinier, dëshmon se godina paraqet rrezikshmëri, por Ministri i Brendshëm e urdhëron të fshehë të vërtetën se banesat janë të rrezikshme për jetën e qytetarëve.
Këta qeveritarë të papërgjegjshëm, me shpirt të korruptuar janë të njëjtët individë që detyruan ekspertët të ndryshonin aktet e verifikimit për dy pallatet në Thumanë, t’i vlerësonin ato si të banueshme, duke u bërë përgjegjës për humbjen e jetës së 24 qytetarëve.
Prokuroria duhet të nisë menjëherë hetimet ndaj Ministrit të Brendshëm për intimidimin e ekspertëve dhe tentativën e tij për t’u fshehur banorëve të vërtetën. Kjo sjellje është jo vetëm papërgjegjshmëri kriminale, por edhe shpërdorim i pastër i detyrës!

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button