Presidenti i Shqipërisë, Ilir Meta, përmes një postimi në facebook, ka ndarë për lexuesit e tij një qëndrim të profesorit dhe analistit, Artan Fuga, të publikuar edhe tek ”Koha Jonë”.

Teksa ka shpërndarë shkrimin e Fugës, Kreu i Shtetit, shkruan: ”Faleminderit profesor Fuga, që na riktheve në situatën e çmendur që përjetuam dhe që sot na duket ëndërr”.

Profesor Fuga, shkruan se: ”A nuk përdori policia gazin lotësjellës, trumbat e ujit, gardhet me tela me gjemba, a nuk vajtën para kryeministrisë policët e gjorë për ta mbrojtur me gjokset e tyre ndërtesën e saj dhe të Parlamentit? Përse vajtën, përse gazuan, përse vaditën, përse u përdorën si barrikada prej mishi dhe gjaku? Po ajo policja e gjorë që u plagos? Kot mo? Paska qenë show! Sigurisht rreziku ishte sepse në inat e sipër grupe demonstruesish mund të digjnin, shkatërronin, sheshonin mo”.