Këtë të mërkurë kryeministri foli për ekonominë dhe programet e punësimit duke deklaruar se qeveria ka në plan ta rrisë pagën minimale në 300 mijë lekë të vjetra dhe po ashtu dhe rrogat e mjekëve e infermierëve.
Por lideri i opozitës Lulzim Basha i ka ironizuar deklaratat e Ramës, duke thënë se pas 7 vitesh premtime të pambajtura, askush nuk i beson më fjalët e kryeministrit. “Sikur të ishin bërë realitet ato që thotë ky, Shqipëria nuk do të ishte në këtë gjendje sot. Por pas 7 vitesh premtimesh të pambajtura, a ka njeri që ja vë më veshin këtij?”-shkruan Basha në rrjetin social.