Politike

Raporti final i ‘Venecias’/ 15 pikat që rrëzuan Metën (tejkaloi kompetencat) dhe Bashën duke legjitimuar zgjedhjet (E plotë)

Komisioni i Venecias publikoi sot në faqen zyrtare raportin e plotë që miratoi ditën e enjte për Presidentin e Shqipërisë Ilir Meta duke zbardhur shkeljet që ka kryer me anulimin e datës së zgjedhjeve të 30 Qershorit.

Shqiptarja.com publikoi raportin e plotë, ndërsa sjell në mënyrë të përmbledhur edhe 15 pikat kryesore ku evidentohet shkelja që ka kryer Ilir Meta me dekretin e tij që është cilësuar nga Komisioni i Venecias në tejkalim të kompetencave që i ka dhënë Kushtetuta e Shqipërisë.

Presidenti mund të anulojë zgjedhjet vetëm për organet e qeverisjes vendore në një situatë emergjente. Por edhe atëherë Presidentit i duhet konsensus dhe një komision ‘ad hoc’ për të shtyrë zgjedhjet.  Por, pavarësisht se tejkaloi kompetencat, ‘Venecia’ nuk mendon se shkelja është aq e rëndë sa Presidenti ynë të shkarkohet.

Megjithatë tashmë ‘topi’ është në fushën e Komisionit të Posaçëm për Hetimin e Presidentit që do të vendosë me cfarë propozimi do i drejtohet parlamentit, i cili më pas nëse vendos shkarkimin e Ilir Metës, fjalën e fundit duhet ta thotë Gjykata Kushtetuese që ende nuk është ngritur.

Raporti i Komisionit të Venecias nuk ka rrëzuar vetëm kreun e shtetit për dekretin, por edhe opozitën parlamentare që dogji mandatet duke dalë në rrugë dhe bojkotuar zgjedhjet. Për Lulzim Bashën dhe aleatët e tjerë të opozitës, zgjedhjet pa opozitën nuk janë demokratike, por moniste.

Por Komisioni i Venecias e thotë shumë qartë dhe prerë se pavarësisht se disa parti nuk marrin pjesë në zgjedhje, procesi duhet të zhvillohet, pasi nuk mund ta marrin peng.

(Kliko këtu) për të lexuar përmbledhjen e Raportit Final të Komisionit Venecias)

Artikuj të ngjashëm

Leave a Reply

Your email address will not be published.

Back to top button
Close