Politike

Rikthimi i maturantëve në shkolla, reagon Kushi: Gjimnazet janë gati t’i presin

Komiteti Teknik i Ekspertëve ka vendosur që të rikthejë maturantët në klasa. Në lidhje me këtë vendim, ka reaguar edhe ministrja e Arsimit, Evis Kushi e cila është optimiste për kthimin e maturantëve në bankat e shkollave për 10 bashki që deri më sot konsideroheshin zona me rrezikshmëri të lartë infeksioni. Më tej Kushi shton se shkollat e mesme janë plotësisht të përgatitura për të mirëpritur nxënësit sipas protokolleve të anticovid.

“Jam optimiste për sugjerimin e fundit të Komitetit të Ekspertëve për rikthimin në bankat e shkollës të maturantëve nga 10 bashkitë që deri më sot konsideroheshin zona me rrezikshmëri të lartë infeksioni. Shkollat e mesme pranë këtyre bashkive janë plotësisht të përgatitura për të mirëpritur nxënësit sipas të gjithave protokolleve anti-COVID.

Duke falenderuar çdo nxënës, mësues e prind për mirëkuptimin e reflektuar deri më tani, apeloj fort që të jemi shumë të kujdesshëm në respektimin e rregullave me qëllim mbrojtjen e shëndetit të gjithsecilit dhe vijimin me një proces të rregullt mësimor. Faleminderit dhe suksese të gjithëve!”shkruan Evis Kushi.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: