I pyetur këtë të shtunë në lidhje me shpalljen e Vangjush Dakos non grata nga ana e Departamentit Amerikan të Shtetit, zv.Kryeministri Erion Braçe ka deklaruar se rasti duhet hetuar ligjërisht. Më tutje zv.Kryeministri ka e ka vënë theksin tek fakti se kush akuzohet do duhet të përballet individualisht me drejtësinë.

Braçe: Unë e kam thënë vazhdimisht, cdo akuzë e ngritur nga dakos e gjithkujt tjetër, edhe anëtarë të kryesisë së PS, apo jo, apo kryetarë të partive politike si është njëri nga kryetarët e opozitës, apo nën të, duhet të hetohet dhe të gjykohet si e parashikon ligji. Askush nuk mund ti shmanget hetimit e gjykimit ne as kemi ndërmend të hyjmë në këtë proces, secili do të përballet individualisht në përputhje me ligjin në proces të drejtë e të barabartë. Por kur përdor imunitetin për ti ikur drejtësisë, si ka ndodhur, e kemi cështje të pazgjidhura në gjykatë e janë materializuar vjedhje me miliona euro nuk ka më, secili duhet të përballet atje.