Politike

Vjosa Osmani e LDK konfirmon koalicionin me Albin Kurtin

Vjosa Osmani, kandidatja e LDK-së për Kryeministre që doli në vend të dytë në zgjedhjet e 6 Tetorit në Kosovë, ka konfirmuar koalicionin me partinë fituese Lëvizja Vetëvendosje e Albin Kurtit.

Në një postim në Facebook, Vjosa Osmani thotë se koalicionin Vetëvendosje – Lidhja Demokratike e Kosovës e presin sfida të mëdha për të qeverisur Kosovën.

Arritëm që të gjithë së bashku, por për një kohë tejet të shkurtë prej vetëm një muaji, ta ringrisim LDK-në në një rezultat që nuk e kishte nga viti 2004. Por, na mbetet edhe shumë punë për të bërë, edhe shumë sfida për të kaluar, e ato mund t’i kalojmë vetëm së bashku. Më në fund, qytetarët, jo vetëm që votuan, por, ajo votë ishte thirrje për ndryshim e ndëshkim ndaj qeverisjes së keqe. Qytetarët, po ashtu, përcaktuan qeverinë e re, e cila duhet të përbëhet nga opozita e deridjeshme. Për mua nuk ka asnjë alternativë tjetër. Koalicioni LDK-VV ka shumë sfida para vetes, por duhet ta ketë vetëm një interes: atë të qytetarëve të Kosovës. Unë do të punoj dhe do t’i shërbej vendit tim, pavarësisht se ku jam. Ashtu siç e kam thënë gjithnjë: në secilën betejë, do të jemi së bashku, deri në fund”, shkruan Vjosa Osmani.

Deklarata e kandidates së LDK-së, mesa duket konfirmon se është arritur marrëveshja për koalicion me Vetëvendosjen dhe Albin Kurti pritet të jetë Kryeministri i ri i Kosovës.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button