Ministri i Shtetit për Rindërtimin, Arben Ahmetaj bëri të ditur sot se, janë 6.87 miliardë lekë që do të shkojnë për financimin e granteve të rikonstruksionit në të 11 bashkitë e prekura nga tërmeti i fortë i 26 nëntorit të vitit që lamë pas. Sipas Ahmetaj, ditën e nesërme do të nis shpërndarja e fondeve prej 2.4 miliardë lekësh në bashkinë e Durrësit për rikonstruksionin e banesave të dëmtuara.
“Këto fonde janë vetëm për grante Ds1 dhe Ds3 dhe ndërkohë lista nuk ka përfunduar dhe është në vlerësim në bashki. Shuma mund të shkojë në 3.3 miliardë lekë“, tha Ahmetaj. Më tej, ai informoi se po ashtu po vijohet edhe me ndërtimin e infrastrukturës në zonat e prekura. “Ka filluar ndërtimi i infrastrukturës në disa bashki, si Kavajë, Thumanë, Fushë-Krujë dhe Bubq“, deklaroi Ahmetaj.
