Showbiz

E dashura e Nas Daily flet për femrat shqiptare

Nas Daily është blogeri i famshëm izraelito-palestinez, i cili së fundmi vendosi të vizitonte Shqipërinë dhe të pikaste temat më interesante në vendin tonë për t’i shpalosur ato në disa video 1-minutëshe, të cilat më pas i ndan me 10 milionë ndjekës në profilin e tij në Facebook.

Puntata e djeshme e emisionit “Xing me Ermalin” prodhoi jo pak polemika. I ftuari i mbrëmjes ishte pikërisht Nas, i cili shoqërohej nga e dashura e tij Alyne.

Ka qenë një pyetje e Kejvinës, çfarë acaroi situatën.

Ajo iu drejtua blogerit me pyetjen:

“Udhëtimet i bën për të kapur femra?!”

Kaq ka mjaftuar për të tensionuar situatën. E dashura e blogerit nuk e ka pritur mirë pyetjen e Kejvinës, të cilën e ka cilësuar si të pavend. Më tej ajo lëshoi një apel të fortë, duke dënuar trajtimin e femrave si objekt seksual në Shqipëri.

Alyne tha e përlotur:

“Kjo pyetje është e papërshtatshme, unë e di që këtu jemi në Shqipëri dhe ju nuk i respektoni gratë, por kjo për mua do të thotë shumë. Shteti juaj ka një problem, atë të keqinterpretimit të figurës së femrës dhe shkeljen të drejtave të saj”.

Moderatori i emisionit Ermal Mamaqi, ka dashur ta kalojë këtë situatë me të qeshura, por është ndërprerë sërish nga Alyne.

Ajo u shpreh më tej:

“Jam e mërzitur me këtë botë, sidomos me Shqipërinë ku femrat në rrugë trajtohen si m*t, si objekte seksi.”

Mamaqi ka kërkuar që kjo skenë të pritej, por ka qenë dëshira e çiftit, që kjo temë të diskutohej dhe të merreshin masa.

Kjo ka detyruar moderatorin ta fusë këtë pjesë në transmetim, duke e paraqitur si një video pas kuintave.

Ai pranoi se në Shqipëri lejohet të bësh seks në televizion ndërsa ka deklaruar se është kundra prezantimit të këtyre temave, të cilat prekin shumë femra në Shqipëri.

Artikuj të ngjashëm

Leave a Reply

Your email address will not be published.

Back to top button
Close