Pak kohë më parë këngëtarja Eni Koçi ndau me ndjekësit e saj shqetësimin që kishte në lidhje me shëndetin. Pasi tregoi se e kishte kaluar Covid-19, ajo prej muajsh ndjen një shije dhe erë shumë të keqe në çdo ushqim që konsumon. Këtë shqetësim e ka ndarë edhe njëherë me ndjekësit e saj duke treguar se halli i saj është që të mos ndjejë asnjë shije as aromë që të mund të konsumojë çdo gjë.
“Pa fat me penet. Po më vijnë shumë mesazhe dhe e shoh që paska shumë persona me të njëjtin hall. Halli im kryesor nuk është mungesa e erës apo shijes, por fakti që ndjej një shije dhe erë të keqe në çdo gjë. Tani dëshira ime më e madhe është mos ndjej fare as shije e as erë që të mund të konsumoj ndonjë ushqim normal. Për kthimin në normalitet nuk po pretendoj”, tregon këngëtarja, duke vënë re faktin që të shumtë janë njerëzit që e përjetojnë këtë gjendje pasi kalojnë Covid-19./ CNA.al