Elita Rudi dhe Gjiko janë bërë prindër. Lajmin e ka bërë të ditur Telegrafi, burime për të cilin thonë se edhe Elita, edhe vogëlushja gëzojnë shëndet të plotë. Mësohet se vajza erdhi në jetë përmes një prerje cezariane.
Gjithashtu, Telegrafi shkruan se çifti i njohur i showbizit nuk e ka vendosur ende si do ta quajnë të bijën. Ajo që kanë zbuluar në intervista të mëparshme, është se edhe vajza, ashtu si djali i tyre Zëri, do të ketë një emër të veçantë.
Ndërkohë, as Elita dhe as Gjiko nuk kanë reaguar ende publikisht pas lindjes.