Tërheqja e tyre nga familja mbretërore që të jetojnë vetëm jo më si njerëzit më të rëndësishëm të Anglisë, ka krijuar shumë polemika dhe debate në mbarë botën.
Mediat e huaja është shkruar se një prej mikeshave të Meghan dhe Harryt ka deklaruar se nëse raportet në Pallatin mbretëror do të ishin më të mirë, ndoshta nuk do të ndodhte kjo që po shohim sot.
“Nëse marrëdhëniet do të kishin qenë më të mira, gjërat do të kishin qenë ndryshe. Ata nuk donin ta menaxhonin kështu situatën, por Meghan dhe Harry u detyruan. Ka shumë hatërmbetje në atë familje, është toksike. Meghan dhe Harry nuk u mbështetën dhe nuk u përkrahën mjaftueshëm nga familja.”-shprehet ajo.
Kujtojmë që dy vëllezërit Meghan dhe William publikuan një deklaratë për shtyp ku sqaronin se thashethemet që William “bullizoi” Harry-n dhe Meghan deri sa i detyroi të largoheshin, nuk është aspak e vërtetë duke e kundërshtuar kategorikisht.
“Pavarësisht mohimeve të qarta, në një gazetë britanike u botua një artikull që aludonte mbi marrëdhënien e Dukës së Sussex dhe Dukës së Cambridge.
Për vëllezërit që angazhohen kaq shumë në çështjet e shëndetit mendor, gjuha nxitëse e përdorur është ofenduese dhe me shumë mundësi e dëmshme,” shkruhej në deklaratë.
Ndërsa vetë mbretëresha ka thënë se ky vendim u përket atyre, nëse duan të jetojnë në mënyrë të pavarur.
“Edhe pse do të donim që ata të qëndronin për të punuar me kohë të plotë si pjesëtarë të familjes mbretërore, e respektojmë dhe kuptojmë dëshirën për të jetuar një jetë të pavarur,” tha ajo.