Ariana Viera, Miss Venezuela aktuale, ka vdekur tragjikisht në një aksident automobilistik në Orlando, Florida, SHBA. Viera është ndarë nga jeta në moshën 26-vjeçare dhe lajmin e ka konfirmuar nëna e saj Vivian Ochoa.
Ajo do të merrte pjesë në konkursin e Miss Amerika Latine 2023 dhe Miss Bota 2023, por humbi jetën teksa i jepte makinës në liqenin Nona, Florida. Thuhet se Ariana-n e zuri gjumi në timon dhe u përplas me një kamion.
Vetë nëna e saj konfirmoi se e bija po ngiste shumë e lodhur pas një sërë angazhimesh pune.
“Atë e zuri gjumi, ishte shumë e lodhur”, tha Ochoa për Telemundo. “E kanë ringjallur dhe ajo ka pësuar atak në zemër, por e kanë ringjallur sërish. Kur do ta çonin në terapi intensive për trauma, ajo na la aty”.
Babai i Ariana-s, i cili jeton në Peru, ka aplikuar për një vizë humanitare që të mund të udhëtojë në Shtetet e Bashkuara dhe të shoqërojë familjen e tij pas kësaj humbjeje të madhe. Megjithatë, viza u dha vetëm një ditë pas funeralit të vajzës së tij.
Miss Venezuela po planifikonte një udhëtim në Punta Cana, Republikën Domenikane, për të marrë pjesë në konkursin e njohur të bukurisë Miss America Latine 2023, dhe më vonë ajo po planifikonte të bënte debutimin e saj në një shfaqje mode në Nju-Jork. Në SHBA, Ariana Viera dhe familja e saj drejtonin një biznes të quajtur Full House Cleaning, i cili ofronte shërbime pastrimi të shtëpisë.
