Katy Perry dhe Orlando Bloom janë bërë prindër për herë të parë me një vajzë, të cilën e kanë quajtur Daisy Dove. Lajmin e ardhjes në jetë të saj nuk e dha as këngëtarja as aktori i njohur por UNICEF, pjesë e së cilës janë të dy.
Daisy (margaritë) janë simboli i pafajësisë dhe fillimeve të reja, ndërsa Dove (pëllumbat) simbolizojnë paqen dhe dashurinë. UNICEF ka postuar një fotografi të dorës së vajzës së porsalindur së bashku me atë të Katy Perry dhe Orlando Bloom. ‘Ne jemi duke lundruar në dashuri dhe befasi, që na solli ardhja e shëndetshme e vajzës sonë!- ka thënë Katy dhe Orlando për UNICEF. Fotoja e UNICEF është shpërndarë dhe nga këngëtarja dhe aktori në rrjetet e tyre sociale.