Mevlan Shaba, ditën e sotme ka zhvilluar një intervistë online në emisionin Breaking. Aty ish- konkurrenti i “Përputhen” ka folur për muzikën, dhe dashurinë. Ai është ndalur tek Lediana, pasi gazetarja e emisionit e ngacmoi. Ajo e pyeti nëse ka shkruar më këngë për dashurinë që u krijua në emision. “Me thënë të drejtën jo. Vetëm kënga “Lediana”, dhe ajo ishte spontane.
Ai u pyet sërish lidhur me këtë këngë. Gazetarja dëshironte të dinte nëse Mevlani e këndonte këngën e saj nëpër koncerte. “Për momentin jo, se nuk më ka dalë inati me të. Ndoshta më vonë”, tha ai. Gjithashtu, Mevlani nuk ishte aspak i vendosur për vazhdimësinë e lidhjes. Aktualisht të dy ata janë të ndarë, por Mevlani e la një derë të hapur, si duket shpreson se mes tyre mund të ketë dicka.