Olta Gixhari publikon shpesh pamje dhe video me vogëlushin e saj, Amar. Por aktorja shqiptare e ka ruajtur gjithmonë me fanatizëm portretin e djalit, duke mos dashur ta bëjë publik imazhin e tij. Megjithatë në një video të publikuar së fundmi, ajo na tregoi pak nga portreti i Amar. Olta Gixhari po filmonte ambientet e një lokali me të birin në krahë, kur në një moment ai kthen kokën duke treguar fytyrën para kamerës.

Menjëherë aktorja e lëvizi kamerën për të mos zbuluar më shumë nga portreti i Amar. Olta Gixhari prej disa kohësh është zhvendosur për të jetuar në Spanjë së bashku me partnerin e saj misterioz. Ajo ka vendosur të mbajtë të fshehtë identitetin e tij, ndërsa pak kohë më parë publikoi një foto ku nuk i mbulonte imazhin. Në imazh, ata shihen të ulur në një karrocë dhe shkëmbejnë puthje në buzë. /Panoramaplus.al