Mbrëmjen e djeshme në emisionin “Shiko kush Luan”, u vu re mungesa e aktorit të njohur Rezart Veleshnja, i cili ishte zëvendësuar nga Irgen Çela, i njohur ndryshe dhe si Xhoda. Nuk dihet nëse ky do të jetë një largim i përkohshëm, apo Rezarti nuk ka vijuar dot bashkëpunimin me drejtuesen e emisionit, Luanën, e cila është njëherësh edhe autore e programit. Të gjithë komentet në faqen e Luanës pyesnin për Rezartin, por moderatorja nuk pranoi që të jepte detaje të mëtejshme, për kapitetin prej shumë kohës të një prej skuadrave të saj.
Veleshnja prej më shumë se një viti tashmë është shndërruar në një prej aktorëve më të rëndësishëm të Portokallisë, por edhe në emisionin e Luanës. Mbetet të presim një reagim nga ana e tij për të na zbuluar më shumë nëse është larguar apo jo nga ky show televiziv.