Këtë javë në Big Brother, personazhet “protagonist” ishin Semi, Iliri dhe Donaldi. Fillimisht nisi debati mes balerinit dhe këngëtares, pasi kjo fundit i ngriti gishtin e mesit. Ky veprim e ka acaruar Ilirin shumë, duke mos i dalë inati.
Në këtë debat u përfshi edhe Donaldi, i cili akuzoi Ilirin se e ka tepruar me batutat kundrejt Semit, ndërsa tha se balerini ka pasur shikime seksuale ndaj saj. Pikërisht këtë deklaratë Iliri e ka pritur shumë keq, pasi tha se Donaldin e ka konsideruar një shok të mirë.
“Unë atë e kam njohur pak më herët. Këtu në shtëpi e kam konsideruar shok, por doli legen. T’i bëjnë strategjitë, por jo me legenizma. Unë kam familje. E kërkoi faljen me ironi”, u shpreh Iliri. Në momentin e nominimit, Iliri dha pikërisht këto dy emra, por vetëm Semi ishte ajo që doli në televotim.
