Categories Showbiz

Ska më“Përputhen” siç u mësuam, ja çfarë pritet të ndodhë nga 3 janari

“Për’Puthen”, që nisi fillimisht si një rubrikë që transmetohej vetëm një herë në javë gjatë programit të së dielës në Top Channel, “E diell”, tashmë jo vetëm që do të vijojë të transmetohet nga e hëna në të premte pas “Ftesë në pesë” si zakonisht, por do të ketë edhe një tjetër hapësirë.

“Për’Puthen”, duke nisur nga data 3 janar, do të transmetohet primetime, saktësisht në orarin e “Portokallisë”. Siç ndodh zakonisht, programi i humorit mbyll sezonin televiziv në mbrëmjen e ndërrimit të vitit për t’u rikthyer në mars. Në kohën televizive të së dielës mbrëma do të vendoset programi-dating. Faqja e emisionit në Instagram e ka njoftuar këtë ndryshim duke postuar një promo të konkurrentëve. Siç e thamë më sipër, “Për’Puthen” nisi transmetimin fillimisht si rubrikë brenda “E diell”, moderuar nga Nevina Shtylla.

Në sezonin televiziv të shtatorit, programi ndryshoi moderatore, ku Nevina u zëvendësua nga Bora Zemani, si edhe mënyrën e transmetimit, duke mos qenë më një rubrikë, por emision i mirëfilltë me takime çdo ditë. Takimet, sherret, skandalet dhe debatet e ashpra i kanë dhënë emisionit miliona klikime në Youtube e së fundmi edhe një nga oraret televizive më të lakmuara, të dielën mbrëma.

Autorja e “Për’puthen” zbulon surprizën e 3 janarit: Po e them për herë të parë…
18 protagonistët e parë, por edhe ata që u futën në program më vonë, kanë fituar pëlqimin e publikut, të cilët gozhdohen para ekranit për të parë se si njihen të rinjtë sot, si dashurohen, e si filtrojnë. Për gazetën Shqip ka folur autorja e produksionit, Olsa Muhameti, e cila ka treguar për herë të parë edhe surprizën që ka për publikun e “Për’puthen” më 3 janar të vitit 2021.

Olsa shprehet se e dinte që formati që do të sillte për herë të parë në ekranin shqiptar do të trazonte ujërat, por shton se “nuk e dinte që do të vinte me një sukses që ka sot”. Ndërsa e pyetur se përse ka kaq shumë audiencë, autorja e njohur thotë se “është një program i thjeshtë dhe që ka brenda copëza të rinisë shqiptare”.

Intervista e plotë: Si lindi ideja e “Për’puthen”? Mendova të sjell një program dashurie pikërisht se më ishte ofruar një nga programet më të rëndësishme në Top Channel, autorësia e tij siç është “E Diell”.Për këtë arsye doja që të bëja diçka ndryshe, që nuk kishte ndodhur ndonjëherë në televizionet shqiptare. Dhe ajo që i mungonte televizionit shqiptar ishte formati i dashurisë. Unë mendova “Për’puthen”, u frymëzova nga programi paralel në Itali dhe më pas e ndërtova atë duke u bazuar në realitetin shqiptar, në atë çka ne jemi.

A e mendonit se do të kishte një imapkt të tillë në publik dhe kaq shumë sukses?

Sigurisht që nuk e kam menduar. Padyshim e dija që do të trazonte ujërat “por jo që do të vinte në një sukses që ka sot. Isha e sigurt që në fillimet e saj “Për’puthen do të anatemohej shumë, do të kundërshtohej shumë, personazhet aty do të sulmoheshin gjithashtu sepse ishte hera e parë që disa të rinj mblidhen edhe bëjnë dashuri në ekran.

Përse ka kaq shumë audiencë?

“Për’puthen” ka kaq shumë audiencë pasi mendoj që sjell realitetin e jetës sonë. Është një program i thjeshtë, pa shumë shkëlqim dhe është bërë posaçërisht i tillë. Pra po ta vësh re, sjellja e të rinjve është e zakonshme. Unë jam përpjekur të sjell copëza të rinisë shqiptare pa dashur që ti ndryshoj ata, pa dashur që t’i përmirësoj, por t’i sjell ashtu siç janë. Pra, realiteti, thjeshtësia dhe origjinaliteti mendoj që janë arsyet se pse “Për’puthen” ka kaq shumë audiencë.

A i ka tejkaluar pritshmëritë e juaja në lidhje me shikueshmërinë?

Tashmë “Për’puthen” është 140 milionë klikime për tre muaj, kështu që nuk kam asnjë koment përsa i përket kësaj pjese.

A është ky formati që kërkon audienca sot? Sigurisht që ky është një format që e kërkon audienca, është një format i cili ka pushtuar të gjithë shqiptarët kudo që ndodhen, në Shqipëri, Kosovë, Maqedoni dhe diasporë. Ka një shikueshmëri të paprecedentë në televizionet shqiptare. Edhe sigurisht që po, ky është një format që e kërkon audienca sot, e mesa duket ne arritëm që ta gjenim këtë mungesë, këtë dobësi në televizionet shqiptare. Ne arritëm që ta evidentonim këtë hapësirë boshe, e zumë këtë hapësirë dhe gjithë të tjerë po na ndjekin për hirë të së vërtetës.

Çfarë surprizash priten për Vitin e Ri? Do ta them për gazetën Shqip për herë të parë. Më datë 3 janar në orën 21:00, ne startojmë “Për’puthen prime” një program, ku do të do të ketë ekskluzive të javës, përmbledhje, të ftuar,ecc për të mos I zbuluar të gjitha tani. Një format prime time dhe mund të them se ky është plotësimi i dëshirës së shikuesve tanë pasi gjatë gjithë kohës na e kërkojnë “Për’puthen” në fundjavë. Kështu që “Për’puthen” do vijë të dielën në orën 21:00 me premierën e datës 3 janar.

Çfarë synimesh ke në vijim me emisionin? Synimi i vetëm i emisionit është që të nxjerrë çifte. Pra ky emision nëse ka arritur përputhjen, ka arritur gjithë synimin e tij.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Showbiz

Puthje pasionante në lavanderi, Romeo dhe Heidi u fshihen banorëve (Video)

Romeo dhe Heidi, çifti që i dha fund romancës të krijuar brenda shtëpisë së “Big…

LEXO ME SHUME
Categories Showbiz

Tom Cruise dhe partnerja e tij ruse i japin fund lidhjes

Tom Cruise i ka dhënë fund marrëdhënies me rusen, Elsina Khayrova, disa muaj pasi u…

LEXO ME SHUME
Categories Showbiz

Zbulohet dhurata e parë e të shtunës, një banor i ri, i cili mund të jetë kushdo nga ju (Foto)

Prej kohësh, Ledion Liço dhe faqja zyrtare e “Big Brother VIP”, në rrjetet sociale kanë…

LEXO ME SHUME
Categories Showbiz

Video/ Ilnisa rrëzohet në kuzhinë. Çfarë bëri Meritoni!

Ilnisa u rrëzua aksidentalisht në ambientet e kuzhinës ndërsa po shkonte drejt tavolinës, aty ku…

LEXO ME SHUME
Categories Showbiz

Çfarë po kërkon ish-partnerja e Meritonit? Ish-banori: Ja çfarë fshihet pas reagimit të saj

Ish-banori i BBV Meridiani ka qenë i ftuar në “Breaking” në Top News, ku ka…

LEXO ME SHUME