Aktorja shumë e njohur në Turqi prej serialeve në të cilat ka luajtur, Larissa Gacemer ka deklaruar se ajo nuk mund të bëjë fëmijë dhe e ka pranuar këtë fakt. Larissa tregoi në një video të postuar në Instagram se është prekur nga komentet e fansave që e pyesin vazhdimisht pse nuk bën një fëmijë me bashkëshortin e saj.
Aktorja 31-vjeçare e cila është me origjinë braziliane, por jeton në Stamboll, tha se ajo dhe bashkëshorti e kanë provuar prej vitesh, por nuk kanë mundur të sjellin në jetë një fëmijë.
“E kuptoj që shumë prej jush e thoni me qëllim të mirë, por kanë filluar komente negative dhe pa respekt që pyesin “Pse nuk bëni fëmijë?”. Unë nuk bëj fëmijë. Unë dhe Burak e kemi provuar vite më parë, por nuk ndodhi. Burak më ka pranuar kështu si jam. Edhe unë e kam pranuar veten. Zoti më ka krijuar kështu”, u shpreh aktorja. Larissa Gacemer ka luajtur në serialin turk “Krem” dhe në filmat “Görümce” dhe “Yıldızlar da Kayar”.