Xhensila Myrtezaj, Këngëtarja shumë e dashur për publikun shqiptar pritet të rikthehet fuqishëm në muzikë.

“Prive” ka zbuluar se ajo do të realizojë një duet me këngëtarin e njohur, Klajdi Haruni. Ata janë prej vitesh miq të mirë me njëri –tjetrin. Madje, para pak ditësh, dyshja publikuan një cover të një kënge në Instagram, të cilin e kënduan ditën kur Xhensila kishte ditëlindjen e saj dhe Klajdi ishte një nga të ftuarit në festë.

Ndërkohë, pritet që ky të jetë padyshim hiti i verës, të cilin të gjithë mezi e kanë pritur. Kujtojmë se kënga më e fundit e Myrtezajt titullohet “Panorama”, edhe kjo me një bashkëpunim, por këtë herë me Ardian Bujupin.