Milan, ashtu si çdo ekip tjetër në Serie A, mbetet në pritje të datës zyrtare se kur do të rifilloj kampionati. Fakti që në buxhetin e tyre do të shtohen edhe të ardhurat nga të drejtat televizive i lejon drejtuesit e klubit kuqezi të jenë më të qetë për të programuar të ardhmen. 100 milion eurot e kërkuara nga Rangnick për të ndërtuar ekipin sipas shijeve të tij janë tashmë të garantuara nga fondi Elliot. Tekniku gjerman është i gatshëm të firmos kontratën e re 3 vjeçare nga ku do të përfitoj 6 milion euro në sezon. “Profesori” do të mbaj në Milano të dy postet, atë të drejtorit teknik dhe atë të trajnerit, do të ketë pushtetin absolut që kërkonte.
Në projektin e Rangnic nuk ka vend për Paolo Maldinin ndërsa dy ish lojtarët e tjerë të famshëm, Baresi dhe Massaro do të jenë një pikë referimi në Milanello. Edhe sa i përket merkatos, tekniku gjerman i ka idetë e qarta. Ibra mund të qëndroj por duhet të pranoj pozicionin e tij të ri, të ndihmoj lojtarët e rijnë që do të transferohen. Luka Jovic është shndërruar në objektivin kryesor, por më parë duhet parë gjendja e tij pas dëmtimit të pësuar.