Një nga dy super ndeshjet që na ofron dita e sotme e Champions League është padyshim ajo mes Interit dhe Real Madridit e cila do të luhet në “San Siro”.
Një duel të cilin e kemi parë edhe sezonin e shkuar pikërisht në këtë fazë, e ku “galaktikët” triumfuan në të dy takimet.
“Zikaltërit” kanë premtuar se këtë herë nuk do të jetë e njëjtë, pasi kanë fituar më shumë eksperincë dhe janë gati të bëjnë mirë. Sa i përket Realit, ata hyjnë gjithmonë në fushë për të fituar pavarësisht kundërshtarit.
Në sfidën që do të nisën në orën 21:00, Inzaghi pritet ta nisë me skemën e përhershme, 3-5-2, me sulmin që do të udhëhiqet nga dyshja, Dzeko – Martinez. Carlo Ancelotti në krahun tjetër nuk heq dorë nga rreshtimin, 4-3-3, me treshen e sulmit që deri më tani ka bërë mirë në kampionat, Vini JR- Benzema- Hazard.
Sa i përket mungesa, më i penalizuar për këtë ndeshje është Reali. Për madrilenët mungojnë, Ferland Mendy, Dani Ceballos, Toni Kroos, Gareth Bale dhe Marcelo.
Simone Inzaghi nuk do të ketë të gatshëm mesfushorin, Stefano Sensi, e në dyshim mbetet mbrojtësi Bastoni i cili në çdo rast nuk do të mund të jetë titullar dhe në vendin e tij pritet përsëri, Dimarco.
Nëse kalojmë nga statistikat, Reali ka fituar si në pjesën e parë ashtu edhe gjithë ndeshjen në 3 takimet e fundit ndaj Interit në të gjitha kompeticionet.
Kryeqytetasit spanjoll kanë shënuar më pak se 2.5 gola në 3 ndeshjet e fundit në Champions League. Në 3 takimet e fundit me Interin, skuadra e Ancelottit ka shënuar të paktën 2 gola.