Categories Sport

Genoa “vatër” covidi, dhjetë futbollistë dhe katër pjesëtarë stafi rezultojnë pozitivë

Nuk ka paqe për Genoan, që pas “shiut” të golave të pësuar dje në Napoli, sot ka marrë edhe një lajm tronditës. Plot 12 futbollistë dhe pjesëtarë të stafit kanë rezultuar të infektuar nga koronavirusi.

Situata në klubin ligur ishte bërë alarmante që të shtunën paradite, kur fillimisht rezultoi i infektuar portieri Mattia Perin dhe më pas nga ritestimi, doli pozitiv me Covid-19 edhe mesfushori Lasse Schone, ndërsa asnjë prej tyre nuk udhëtuan drejt Napolit për ndeshjen e djeshme.

Ka qenë vetë klubi i Genoas që nëpërmjet një komunikate të shpërndarë mbrëmjen e sotme, ka njoftuar se pas Perin e Schone, edhe 8 futbollistë të tjerë kanë rezultuar pozitivë, ndërsa të infektuar janë edhe 4 pjesëtarë të stafit teknik, duke e çuar numrin total në 14 të prekur.

“Klubi i Genoas njofton se pas hetimeve të rasteve ditën e sotme, numri i personave të infektuar nga Covid-19 ka shkuar në 14, mes futbollistëve dhe pjesëtarëve të stafit. Shoqëria ka nisur të gjithë procedurat e parashikuara nga protokolli në fuqi dhe ka njoftuar autoritetet për situatën. Do t’ju mbajmë të përditësuar për gjithçka”, shkruhet në komunikatën e klubit ligur.

Ndërkohë vlen të theksohet se tashmë të gjithë futbollistët dhe pjesëtarët e stafit të Napolit do të duhet t’i nënshtrohen testit anti-Covid, pasi patën kontakt të drejtpërdrejtë me futbollistët kuqeblu.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Sport

Mario Mitaj flet me zemër: Kam lindur në Athinë, por s’jam grek, E dua Shqipërinë, jam patriot!

Një nga më të mirët në dy miqësoret që Kombëtarja shqiptare zhvilloi, ishte Mario Mitaj.…

LEXO ME SHUME
Categories Sport

Zbulohet kush pagoi 1 milion euro për të liruar Dani Alves nga burgu, nuk është Neymar

Ish-shoku i skuadrës i Dani Alves te Barcelona, Memphis Depay, thuhet se i ka paguar…

LEXO ME SHUME
Categories Sport

Sokol Kushta: Kombëtarja dhe trajneri dje fituan Brojën, Sylvinho tregoi se di të ndryshojë

Sokol Kushta, legjenda e futbollit kuqezi, në një reagim në rrjetet sociale, vlerësoi lojën e…

LEXO ME SHUME
Categories Sport

Mbi 20 mijë bileta të shitura/ Sylvinho tenton të ndryshojë ujërat, Statistikat flasin për suedezët

Shqipëria do të zhvillojë sonte në mbrëmje testin e dytë miqësor kundër Suedisë në Stokholm.…

LEXO ME SHUME
Categories Sport

“E dimë forcën tonë, jemi të bashkuar”, Sylvinho dhe Ramadani flasin para ndeshjes me Suedinë

Shqipëria do të luajë nesër ndeshjen e dytë miqësore të muajit mars ndaj Suedisë. Trajneri…

LEXO ME SHUME