Lewis Hamilton është dëgjuar në një radio mesazh dërguar ekipit të Mercedesit duke thënë se gara e Abu Dhabit në Formula 1 ishte kurdisur, pasi Max Verstappen e tejkaloi atë në frymën e fundit për ta fituar titullin e kampionit të botës.
Në një mesazh dërguar përmes radios së veturës gjatë xhiros së fundit, Hamilton i tha inxhinierit të garës, Peter Bonnington: “Kjo është manipuluar”.
Hamiltoni e humbi garën për titull pasi u tejkaluar nga Verstappen në xhiron e fundit të garës të dielën, pasi futja e makinës së sigurisë në shteg e shkaktoi një varg ndodhish që e acaruan Mercedesin.
Mercedesi i bëri dy ankesa për parregullsi, duke pretenduar se Verstappen nuk kishte të drejtë ta tejkalonte Hamiltonin kur Makina e Sigurisë ndodhej në shteg, por Federata Ndërkombëtare e Automobilizmit (FIA) i hodhi poshtë ankesat. Mercedesi e ka ndërkohë të ankohet ndaj vendimit të FIA-s. Në intervistën e vetme pas garës, Hamiltoni e uroi Verstappenin për fitimin e titullit.
“Së pari, urime Maxit dhe ekipit të tij”, kishte thënë Hamilton të dielën. Por në xhiron e fundit të garës, vozitësi britanik kishte tjera mendime për garën kontroverse. Hamilton u dëgjua duke thënë: “Kjo është manipuluar”.
https://twitter.com/f1newslive_/status/1470307943149195264?ref_src=twsrc%5Etfw%7Ctwcamp%5Etweetembed%7Ctwterm%5E1470307943149195264%7Ctwgr%5E%7Ctwcon%5Es1_&ref_url=https%3A%2F%2Fwww.gazetaexpress.com%2Fhamilton-degjohet-ne-radio-duke-thene-se-gara-ishte-kurdisur-qe-verstappen-te-fitonte%2F