fbpx
Sport

Ibrahimovic shënon dy gola ndaj Napolit dhe kthen në krye Milanin

Milani “fluturon” me përbindëshin Zlatan Ibrahimovic. Falë “gjigantit” suedez, kuqezinjtë morën një fitore të madhë 1-3 në “San Paolo” të Napolit dhe rinjiten në krye të Serisë A me 20 pikë, dy pikë më shumë se Sassuolo që është ndjekësja më e afërt.

Pas 20 minutash lojë, 39-vjeçari realizon me kokë një gol sa të bukur dhe të vështirë nga rreth 18 metra largësi, pas krosimit të Hernandez. E vështirë të gjesh gabime në mbrojtjen e Napolit apo tek portieri Meret: fimalizimi i Zlatanit është thjesht perfekt.

Në të 54-tën Ibra shënoi golin e dytë, sërish me kokë, këtë radhë i shërbyer nga Rebic. Askush nuk mund t’u bëjë ballë forcës së tij, në këtë rast duket sikur futet me gjithë top në portë.

Ndeshja u rihap në minutën e 63-të, kur Mertens nga një distancë e afërt realizoi për golin e 1-2, por gjërat u vështirësuan për skuadrën e Gattusos dy minuta më vonë, kur Bakayoko u ndëshkua me kartonin e dytë të verdhë. Napoli tentoi edhe në inferioritet numerik të shmangte humbjen, por në minutën e pestë shtesë Hauge, i hedhur në fushë në vend të Rebicit, shënoi golin e “knockout”-it. Gjashtë fitore dhe dy barazime për Milanin në këtë sezon, ecuri e një skuadre për titullin kampion, gjithçka meritë e një njeriu për të cilin mosha është vetëm numër.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button