Erling Haland nuk e ka vendosur ende nëse do të vazhdojë të jetë pjesë e Borusia Dortmund pas këtij sezoni apo jo. Sulmuesi norvegjez është një nga emrat më të lakuar në qarkullim dhe janë të shumtë klubet që kërkojnë shërbimet e tij. Lojtari nuk ka vendosur ende për të ardhmen, por ka bërë të qartë për këdo që interesohet për të, se që nga viti i ardhshëm kërkon një rrogë rekord. Sipas “Bild”, Haland dhe përfaqësuesit e tij, në çdo takim që kanë zhvilluar me klube të tjera, kanë bërë të qartë se duan që ai të paguhet 30 milionë euro në vit. Një shifër që aktualisht mund të përballohet vetëm nga 3-4 klube në Europë, përtej faktit që është e ekzagjeruar.

Kjo kërkesë ka bërë që klubet e interesuara të hezitojnë pak për firmën më e të dhe të shtyjnë Borusia Dortmund që të kërkojnë rinovimin me futbollistin, për të zhdukur klauzolën e largimit nga kontrata e tij, apo për ta rritur atë. Klubi i ka ofruar Haland një rrogë mes 16-18 milionë eurove në sezon, por vetëm nëse ai paralelisht heq dorë nga Nike dhe zgjedh Puma si sponsor personal, pasi kështu do të ndihmonte edhe klubin që ka marrëveshje me këtë kompani. Kjo e fundit është e gatshme të amortizojë një pjesë të shumës së shpenzuar nga Borusia Dortmund për norvegjezin.