Mike Tyson është rikthyer në ring pas 15 vitesh për përballjen me një tjetër legjendë boksi, Roy Jones Jr. 54-vjecari u ndesh me mikun e tij 51-vjecar për qëllime pozitive pasi morën pjesë në një ekspozitë, ku të ardhurat e ndeshjes do të shkonin për bamirësi.
Të dy luftëtarët patën momente mbresëlënëse gjatë një beteje që u vendos të shkonte në barazim. Tyson dhe Jones u ndeshën në tetë raunde dy minutëshe, dhe të dy dolën të qeshur dhe dukshëm të shëndetshëm nga një ngjarje tejet e pazakontë në Staples Center. “Kjo është më mirë sesa të luftosh për kampionate. Tani jemi humanitarë. Ne mund të bëjmë diçka të mirë për botën. Ne duhet ta bëjmë këtë përsëri. Unë absolutisht do ta bëja këtë përsëri”, tha Tyson për ekspozitën e peshave të rënda, e cila mblodhi para për bamirësi të ndryshme.
